Şəhidlər Xiyabanı

Mənbə: Foto: arxiv

Başlıq: Şəhidlər Xiyabanı

20 Yanvar faciəsindən 30 il ötdü

Bakı Polis Qarnizonu gücləndirilmiş rejimdə işləyir

Bu gün Azərbaycanda 1990-cı il yanvarın 20-də baş verən faciənin 30 illiyidir. Ölkədə Ümumxalq hüzn günü elan olunub.

Rəsmi məlumatara görə, yanvarın 20-də Bakı Polis Qarnizonu gücləndirilmiş rejimdə işləyir.

30 il əvvəl yanvarın 19-dan 20-nə keçən gecə Sovet İttifaqının qoşun hissələri fövqəladə vəziyyət elan edilmədən Bakıya girib.

Rəsmi məlumata görə, Kommunist Partiyasının Birinci katibi Mixail Qorbaçov SSRİ Konstitusiyasının 119-cu, Azərbaycan SSR Konstitusiyasının 71-ci maddələrini kobud şəkildə pozaraq, yanvarın 20-dən Bakıda fövqəladə vəziyyət elan edilməsi haqqında fərman imzalayıb. SSRİ DTK-nın “Alfa” qrupu yanvarın 19-da saat 19.27-də Azərbaycan televiziyasının enerji blokunu partladıb, respublikada televiziya verilişləri dayandırılıb. Gecə isə qoşun fövqəladə vəziyyət elan edilməsindən xəbərsiz olan şəhərə daxil olub.

Hadisələr nəticəsində paytaxt da daxil olmaqla respublikanın digər rayonlarında 147 mülki şəxsin qətlə yetirildiyi, 744 nəfərin yaralandığı, onların bir çoxu ömürlük əlil olduğu bildirilir. Yalnız Bakı şəhərində 131 nəfər öldürülüb, 841 nəfər həbs edilib.

Bu hadisədən sonra 20 Yanvar tarixi Azərbaycanda hər il Milli Matəm Günü kimi qeyd olunur.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/w54y41

Ən çox baxılan